Radio Philippines Network
DXDX GenSan News Provincial News

465 Kabuok Katigulangang Lumad Sa Sarangani Ni-Gradwar Sa Programa Nga 3K, Kabalo Na Matud Pa Silang Mubasa Og Musulat

SARANGANI PROVINCE— Hilabihan ang kalipay sa hapit muabot 500 kabuok mga katigulangang lumad sa Sarangani Province sa nahitabo nga graduation ceremony kagahapong adlawa, adlaw nga Martes, sulod sa Sarangani Capitol Gymnasium tungod kay human sa napulo (10) ka bulan nilang pagtuon, ni-gradwar na sila, og kabalo na matud pa silang mubasa og musulat.

Sila ang first batch nga ni-gradwar sa programa ni Governor Steve Chiongbian Solon gitawag nga 3K (Three K), tulo ka K, buot pasabot Kaalaman para sa Kapayapaan at Kaunlaran. Segun nila Ping Gomez og Imelda Senobago sa Sulong Sarangani flagship program, kini nga bag-ong programa sa informal education ang nakatutok matud pa sa padayong pag-atiman sa kalambuan sa mga SAAD upland beneficiary barangays nila Pangulong Rodrigo Duterte, Agriculture Secretary Manny Piñol og Governor Solon.

Kasagaran kanila mga kaigsoonang Blaan og Tboli nga mga mag-uuma nga wala na intawon naka-eskwela gikan sa pagka-bata.  1st batch ang gikan sa dose (12) ka barangay nga anaa nahimutang sa lagyong kabukiran, sama sa New Aklan sa Glan, Kinam sa Malapatan, Pag-asa og Paraiso sa Alabel, Malabod sa Malungon, Nomoh, Lumasal og Kablacan sa Maasim, Tamadang og Maligang sa Kiamba, og Upo og Maguling sa Maitum.

Gikan sa pondo sa Sulong Karunungan program ni Governor Solon og suportado nilang Senador Manny og Congressman Ruel Pacquiao, Vice Governor Elmer De Peralta, mga board member, mga mayores og barangay-purok officials, nang-hire ang Provincial Government sa Sarangani og baynte-dos (22) kabuok community-based literacy facilitators nga tinudluan sa mga ALS teachers sa DepEd Sarangani, aron maoy muatiman sa mga nang-eskwela sa 3K Program gikan atong Oktubre 2018; matag Sabado ang ilang klase sa kabukiran gikan alas otso sa buntag hangtud na sa alas kwatro sa hapon (8am-4pm).

Segun ni Facilitator Maribel Vicente, aduna syay mga estudyante nga tag-upat (4) ka oras gabaktas gikan sa panimalay aron lang makatambong sa ilang klase, ang uban pila pa daw ka sapa ang ginatabok bisan mga senior citizen na. Gidayig niini ang pamunuan ni Governor Solon sa paghatag og libreng notebook, lapis, papel og uban pang materyales sa iyang mga pinasahing estudyante. Mapasalamaton kaayo si Ginang Roting Tanggan, saysenta anyos (60) nga gikan pa sa Barangay Kinam, Malapatan tungod kay kung kaniadto dili kini kabalo sa unsa mang letra, karon ang nakabalo na matud pa syang mubasa og musulat. Dili na matud pa sila maulaw muatubang sa ubang tao.

Gikonsidera niining regalo ngadto kanila gikan ni Governor Solon ang 3K Program. Si Conchita Tagum, kwarentay-dos (42) anyos, taga-Tamadang, Kiamba ang mapasalamaton usab sa iyang hinay-hinay nga pagkakat-on og edukasyon. Siyam (9) kabuok ang ilang mga anak, ni-gradwar na matud pa ang iyang kamagulangag anak sa kolehiyo apan sya ang wala pa naka-eskwela. Dako na lamang pud ang pagpasalamat ni Nong Berting Tuli, saysentay-nuybe (anyos) taga-Malabod Malungon, tungod kay dili na matud pa kini matikasan inig baligya sa ilang produkto sa uma tungod kay kabalo na syang mu-kwenta og mu-balansi. (Photos: Christian Joy Faki Bek & PIO Sarangani)

Related posts

LIPATA FERRY TERMINAL

RPN

Endangered Centuries – Old Toog Tree Brings Back Nostalgia To Residents

RPN

DOH Dili Pa Matumbok Asa Nakuha Ang Virus Sa Duha Ka Covid-19 Patients Sa CDO

RPN