27.2 C
Manila
Friday, March 29, 2024

4 Milyon Pesos Gigahin Alang Sa Mga Estudyanteng I.P’s Sa Probinsya Sa Sarangani

- Advertisement -




Sarangani Province- kanunay ang hinabang nga naga-abot alang sa mga katawhang Sarangans karong nag – atubang pa sa krisis tungod sa COVID – 19 pandemic.

Usa na niini ang mga magtutunghang IP’s sa probinsya sa Sarangani, ilabi na sa ilang pagtungha karong new normal ug dili maulahe sa unsa man nga pamaagi aron maangkon ang edukasyon bisan pa man nga anaa sila sa kabukiran sa Sarangani.

Ang buhatan ni Sarangani Province Congressman ug Deputy Speaker Rogelio “Ruel” Pacquiao kauban ang Department of Social Welfare and Development (DSWD) ang nagsugod sa pagpanghatag ug financial assistance ug ingun man Solar Powered Radio alang sa Radio Based Instructions alang sa mga IP Schools sa DepEd Sarangani.

Mukabat sa P4 milyon ka pesos ang gi – alokar nga budget alang sa mga estudyanteng IP sa mga kabukirang lugar sa Probinsya.

Lima ka mga IP schools ang gitagaan sa school assistance sama sa Kiyahe IP school ug  Niyas IP School Calay IP School sa Malapatan; ingun man sa Upper Lumabat IP school sa Malungon, Wata – wanan IP school sa Munisipyo sa Maitum.

Gawas pa sa laing tulo pa ka mga IP school sa probinsya ang apil sa maong programa.

Ang maong mga tunghaan ug mga benipisyaryo ang gipang – identified sa DepEd ug gi – validate sa DSWD – 12.

Ang maong programa alang sa edukasyon ang usa sa prayoridad ni Congressman Ruel Pacquiao ilalom sa flagship program nga Ronda Probinsya Alang sa Edukasyon. (John Rey Somido)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -