Gipasakahan na ug kaso sa Provincial Prosecutor’s Office ang upat (4) ka myembro sa Socorro Bayanihan Services, Incorporated human nabaniog sa social media o facebook ang hulagway sa pipila ka myembro sa maong civilian group nga nagsuot ug uniporme sa sundalo ug pulis dala ang wala matino nga mga rifle sa usa ka wala matino nga event didto sa Sitio Kapihan, Brgy. Sering, Socorro, Surigao del Norte.
Mag-atubang sa kasong paglapas sa Art. 177 o Usurpation of Authority of Official Functions ug Art. 179 o Illegal Use of Uniforms and Insignia sa Revised Penal Code (RPC) sila ni;
1) DARYL RUAYA BUNTAD- anaa sa hustong pangidaron, ulitawo, kanhi sakop sa PNP;
2) YURE GARRY QUIBAN PORTILLO- anaa sa hustong pangidaron, minyo, kanhi sakop usab sa PNP;
3) CRISANTO OSLOB LUBAPIS- anaa sa hustong pangidaron, minyo, mag-uuma; ug
4) ALDRIN LLANO GELSANO- anaa sa hustong pangidaron, minyo, kanhi Security Guard; mga lumulupyo sa nasampit nga sitio.
Ang maong gipasaka nga kaso ang gidawat ni Assistant Provincial Prosecutor Atty. Allan G. Benemerito niadtong Lunes, Desyembre 9 sa may mga alas 10:30 sa buntag ubos sa NPS Docket No. XIII-06a-INV-19L-228. (RPN DXKS via Ronda 6 Jun Prex Salubre)