30 C
Manila
Friday, March 29, 2024

352K ka mga residente sa CDO narehistro na sa Higala app

- Advertisement -

Padayong giaghat sa lokal nga kagamhanan sa dakbayan ang katawhan nga mogamit sa Higala App – QR Code isip pamaagi aron mas mapadali ang contact tracing efforts sa Cagayan de Oro.

Sigun pa ni Mr. Zelfred Anthony Cocon, City Management Information System Office Head, anaa na sa kapin 352,000 ka mga indibidwal ang nakarehistro sa maong application.

Mikabat na usab sa 410 ka mga establisemento ang migamit sa Higala App ug mipatuman sa maong protocol aron malikayan ang pagtakod sa virus tungod sa paghawid sa ballpen ug papel nga gigamit sa contact tracing.

Pinaagi sa City Tourism and Cultural Affairs Office, anaa na sa 16 ka virtual trainings ang napahigayon sa syudad alang sa pag-operate sa maong app, diin 450 na ka mga establisemento ang nakasalmot niini.

Tumong sa syudad nga mogamit na ang tanan establisemento sa maong app hilabina ang mga malls, bangko, accommodation establishments, hospitals, menteryo ug uban pang lugar nga sarang gidagsa sa katawhan.

Sa mga buot mosalmot sa Higala App orientation/seminar, mahimong mag-coordinate sa City Tourism and Cultural Affairs Office aron mahatagan sa schedule ug dugang detalye sa maong kalihukan.

Sa laing bahin, giduso na sa konseho ang ordinansa alang sa full implementation ug mandatory nga paggamit sa Higala App, ilabina nga gilaraw usab kini gamiton isip online nga sistema sa vaccination program sa dakbayan. (SP)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -