Wala nang nagawa si Civil Engineer kundi ireklamo na lang ang kanyang misis sa Legazpi City Police Station matapos madiskubre nito ang video scandal ng kanyang misis na may kasamang ibang lalaki.
Kinilala ang biktima na si alyas “James” 33-anyos residente ng P1 Barangay San Roque lungsod ng Legazpi habang nakilala naman ang misis na si alyas “Ligaya” parehong residente ng nasabing barangay.
Base sa salaysay ng biktima, alas 4:00 ng hapon nitong Pebrero 12 taong 2021 habang naghahanap ng larawan ng kanyang asawa upang isumite sa APEC bilang isa sa mga kinakailangan o requirements para sa new reconnection ng kanilang tahanan, nang hiramin nito sa kanyang asawa ang isang flash drive.
Laking gulat na lamang ng biktima nang makita nito sa USB ang isang video scandal ng kanyang asawa kasama ang ibang lalaki habang nagtatalik.
Dahil sa insedente dinoble nito ang isang kopya ng nasabing scandal para gamitin bilang ebidensya sa isasampang kaso laban sa kanyang misis.
Sa balita, sinadyang hindi ilagay ang totoong pangalan ng mga sangkot na indibidwal para sa kanilang privacy at seguridad.
(Source: Bicol News)