310 distressed na mga Pilipino mula Vietnam, Cambodia naiuwi na ng Pilipinas

Balik bansa na ang nasa 310 mga distressed Filipino workers mula Vietnam at Cambodia.

Ayon sa Department of Foreign Affairs, 143 sa mga ito ay dumating ng Pilipinas mula Vietnam, alas 4:00 ng hapon, kahapon.

Sakay ang mga ito ng kinuhang chartered flight ng DFA sa Philippine Airlines.

Habang 167 naman ang nagmula sa Cambodia at dumating ng Manila sakay ng isang chartered flight ng Airasia, kahapon ng 3:00 ng hapon.

Sinabi ng DFA, pawang naapektuhan ng COVID-19 pandemic ang mga balik bansang Pilipino kung saan ang iba ay nawalan ng trabaho, napilitang mag-leave at walang kinikita dahil sa ‘no work, no pay’ arrangement.