30 Mil Ka Benepisyaryo Sa SAP Sa Mandaue Ug Cebu City Wa Pa Makadawat Sa Ilang Cash Assistance

30 Mil Ka Benepisyaryo Sa SAP Sa Mandaue Ug Cebu City Wa Pa Makadawat Sa Ilang Cash Assistance

by RPN
78 views

Mikabat og 30,000 ka pamilya sa duha ka dagkong siyudad sa Cebu ang wala pa makadawat sa ilang ayudang salapi gikan sa nasodnong gobyerno.

Si Shalaine Lucero, assistant director sa Department of Social Welfare and Development kun DSWD-7, mitug-an nga ang SAP o Special Amelioration Program nagpadayon pa sa mga dakbayan sa Sugbo ug Mandaue hangtod alas 5 sa hapon sa milabayng adlaw.

Nahinabi sa media, si Lucero mitug-an nga ilang giaprobahan ang hangyo sa duha ka LGU nga lugwayan ang deadline ngadto sa Biyernes, Mayo 22, o karong adlawa.

Sumala pa ni Lucero, ilang gisayran ang ilang opisina nga kinahanglang lugwayan ang deadline para makompleto ang distribution.

Apan ilang gipasidan-an ang mga LGU nga wala nay laing extension nga ilang ihatag kay ila nang iduso ang  liquidation report sa ulohan nilang buhatan.

Gitug-an usab ni Lucero nga hapit na mahuman ang duha ka siyudad sa pagpanghatag sa hinabang kay miabot na og 88 porsyento sa Cebu City ug 73 porsyento sa Mandaue City.

Subay niini, nanghinaot ang DSWD 7 nga makompleto na kini karon para wala nay problema.

 

0 comment

Related Posts