30 Infantry Battallion Ug TESDA Gilusad Ang Community Based Skills Training

Usa ka Community Based Skills Training ang gilusad pinaagi sa Community Support Program (CSP) sa 30th Infantry “Python” Batallion (30IB) kauban ang Technical Education and Skills Development Authority (TESDA) sa tulo ka mga barangay sa Alegria, Surigao Del Norte.
Ang pagbansay sa kahanas nag-tumong sa pag-tabang sa mga komunidad nga makabaton ug Technical – Vocational Education and Training aron pag-suporta sa paningkamot sa Peace and Development Zone (PDZ) aron kontrahon ang problema sa insurhensya sa mga Conflict Affected Areas (CAAs) sa Surigao Del Norte.
Sa Brgy. Budlingin adunay kinatibuk-ang 61 ka mga enrollees sa wellness massage training niadtong Abril 30, 2019 uban ni Hon. Rommel Tabamo, chairman sa barangay ug mipadayag sa iyang pag-pasalamat sa 30IB ug sa TESDA-Surigao Del Norte alang sa inisyatibo ug pagpa-higayon sa mga skills training sa ilang komunidad. Sumala pa ni Hon. Rommel Tabamo, gibutyag niini nga dako ang iyang pasalamat sa mga kasundaluhan ug sa TESDA, kay ang mga training nga gipahigayon sa TESDA dako kayo ang katabang hilabi na sa kabatan-onan, magamit nila kini isip abilidad para maka pang-apply nan mga trabaho.
Samtang sa Brgy. Alipao usa ka Small Engine Maintenance Training nga diin 35 ka mga trainees ang nag-enroll gikan sa Brgy. Alipao ug sa Brgy. San Juan sa lungsod sa Alegria. Ang duha ka barangay kabahin sa deployment sa CSP sa 30IB ug kabahin usab sa Peace and Development Zone kun PDZ.
Dugang pa nga adunay 25 ka mga Indigenous People gikan sa Brgy. Budlingin ang mo-gradwar sa Carpentry NC II ug makadawat ug mga starter toolkits ubos sa TESDA Special Skills Training Program alang sa IP ug kanhi rebelde. Ang 20IB ug TESDA-SDN dugay nang nakig-partner sa paghatag ug panginabuhian ug pag-bansay aron mapagaan ang walay trabaho ug paghatag ug alternatibong panginabuhian sa mga komunidad.