Usa ka importanteng lakang paingon sa kalinaw ang gihimo kagahapong adlawa ubos sa liderato ni Gensan City Mayor Lorelie Geronimo Pacquiao, sa iyang pag-apod-apod sa hinabang pinansyal ngadto sa tulo ka kanhi mga rebelde nga nakabig sa gobyerno.
Matag usa sa tulo ka rebelde nakadawat og ₱15,000 matag usa gikan sa pundo sa lokal nga kagamhanan. Kini nga tabang gitumong aron mahatagan ug bag-ong pagsugod ang mga kanhi rebelde.
Kining mahinungdanong seremonyas gisaksihan sa mga kawani sa CSWDO pinangulohan ni Department Head Genelene Vidanes, DILG City Director Rilimin H. Sandoval, uban ni City Director Nicomedes P. Olaivar, Jr. sa GSCPO ug mga sakop sa Task Force Gensan, kinsa padayong nagpasiugda sa kalinaw ug seguridad sa dakbayan.
Ang lokal nga kagamhanan, pinangulohan ni Mayor Pacquiao, nagpadayon sa paghatag og suporta sa mga programa alang sa mga kanhi rebelde, isip kabahin sa mas lapad nga inisyatiba alang sa luwas ug malambuong General Santos City. (Rem Agdon)
(Source: CMO)