30 C
Manila
Friday, March 29, 2024

2nd Batch Sa Pagbakuna Sa Mga Senior Citizens, Ipadayun Sa Mga Barangay

- Advertisement -




Ang buhatan sa City Health dinhi sa dakbayan ang nagpahibalo karon ngadto sa tanang mga edaran o senior citizens dinhi sa siyudad partikular na kadtong nagtinguha nga magpabakuna sa pagbisita lang ngadto sa ilang Barangay Hall, dinha sa ilang mga dapit.

Mao kini ang nasayran gikan sa nahisgotang buhatan kaganihang buntag, Mayo 27, 2021.

Sumala pa niini, nga alang sa maayong koordinasyon, ang edaran nga magpabakuna ang kinahanglan nga mobisita didto sa ilang mga barangay hall o makigkita sa ilang mga Barangay Health Worker, alang sa Profiling ug sa pagpa-schedule sa ilang pagpabakuna.

Gipaklaro usab sa tinubdang buhatan nga kining maong proseso ang gi-andam alang sa ikaduhang hugna sa pagpamakuna alang lamang sa mga senior citizens nga mosunod sa karong sunod bulan sa Hunyo, ning tuiga, basi sa tinguha ni City Mayor Darel Dexter T. Uy nga ang himoong pagpamakuna ang anha na ipahigayon sa matag barangay basi sa talamdan nga himoon sa vaccinating agency,

Dugang nga gipasabot sa CHO, nga aron paghimo ning maong kalihokan nga sayon alang sa mga senior citizens, ang vaccinating team na ang mo-anha sa mga kabarangayan, aron kadtong walay mga sakyanan ang dilil na maglisod sa pag-anha.

Hugtanon usab nga gipahibalo sa CHO, nga kining umaabot nga pagpamakuna maoy alang lamang sa mga senior citizens nga wala pa nabakunahi nga maga-basi unya sa mga coupons gikan sa ilang barangay, ug walay mga “walk-in applicants” ang paga-dawaton atol niini

Alayon ning maong kalamboan, sigun sa gipahibalo ni Dr. Benson D. Panaguiton, ang kasamtangang Rural Health Physician/Doctor to the Barrio ning siyudad, nga dinha sa ilang pagpatuman sa National Vaccination Program dinhi sa siyudad, 100% ang malamposong nabakunahan ilawom sa category A1(sub-priority group) basi sa ilang target, samtang 100% usab  basi sa target gihapon ang category A3 (Persons with comorbidities), apan 10% lamang ang nabakunahan ilawom sa A2 (senior citizens), gumikan sa nagkalain-laing hinungdan, busa gihimo kining maong kalihokan isip solusyon, aron makab-ot ang 100% pagbakuna basi sa target alang sa mga senior citizens ning dakbayan. (City Information Office-afb)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -