Bag Ong Pangu Sa PRO-7 Dunay Pasidaan Sa Mga Kriminal

Cebu City- Gipasidan-an ni Brig. Gen. Albert Ignatius Ferro, pangu sa kapolisan sa rehiyon 7, ang mga criminal nga magpalayo samtang siya pay director.
Gipadayag kini ni Ferro atol sa press conference sa Sinagtala Hall sa Camp Sergio Osmeña, Sr. gahapon sa buntag nunot sa buy-bust operation nga misangko sa kamatayon sa polis nga si Master Sgt. Maximino Macua, Jr.
Si Macua, nga sakop sa Special Operations Unit 5 (SOU5) sa Police Drug Enforcement Group (PDEG), gipusil samtang gihimo ang buy bust operation sa milabayng gabii sa sityo San Roque, Tabada, Mambaling, Cebu City.
Gisuwayan pa paghatod si Macua sa Miller Hospital apan gideklarar nga DOA kun dead on arrival.
Ang maong operation misangpot sa pagkasikop sa tulo ka suspetsado nga sila si Franco Obeso, nga napusilan pod sa engkuwentro apan nadala sa ospital;  Jeremea Zafra ug Richie Requinto.
Sa gilusad nga follow-up operation pagka Martes sa gabii napatay ang duha ka suspetsado nga ang usa nailhang si Ronald Sagarino.
Matod ni Ferro, magsilbi kining warning sa mga malapason sa balaod.