221 bilanggo pinagkalooban ng parole ni Duterte sa gitna ng COVID-19 crisis

Pinagkalooban ni Pangulong Rodrigo Duterte ng parole ang nasa 221 na bilanggo upang lumuwag ang mga kulungan sa bansa dahil sa banta ng coronavirus disease 2019 (COVID-19).

Batay sa report ng pangulo sa kamara, ang mga persons deprived of liberty (PDL) na binigyan ng parole ay inaprubahan ng Board of Pardons and Parole (BPP).

Bukod dito, nasa 119 naman na PDLs ang inirekomenda ng BPP na mabigyan ng executive clemency.

Samantala, nilinaw naman ng pangulo na ang lahat ng palalayaing preso ay isasailalim sa quarantine bago tuluyang palayain.