Radio Philippines Network (RPN)
DXDX GenSan News Provincial News

21 Shooting Incidents Sa Milabay’ng Lima Ka Bulan; 4 Karong Hunyo




Misaka na sa 21 ang kaso sa pagpamusil ang natala sa General Santos City, sulod sa lima ka bulan lamang.

Base sa datus sa General Santos City Police Office, sa maong mga insidente, upat ang nahitabo karong bulan sa Hunyo, diin, usa ka construction worker ang pinaka-bagong biktima.

Giila sa GenSan City Police Office ang biktima nga si Benjie Umpak,  residente sa Lun Padido, Malapatan, Sarangani province, kansa nakaagom og samad pinusilan sa iyahang tiyan nga bahin, gikan sa wala pa mailhing suspek.

Base sa pamahayag sa mga kaubanan sa trabaho, kalit na lamang matod pa silang nakadungog og buto sa pusil, dayon ilahang nakit-an ang pagbuy-od sa biktima.

Nadala pa sa balay-tambalanan si Umpak apan nakabsan gihapon kini sa iyahang kinabuhi.

Nahitabo ang insidente takna alas-9:00 sa buntag sa bahin sa Bulaong Avenue sa Barangay Dadiangas West.

Kahinumduman nga ning miaging semana, halos magkasunod nga adlaw nga gipusil ang usa ka tricycle driver, usa ka negosyante ug female executive officer sa usa ka dakong media company sa siyudad.

Atol sa  pakighinabi sa RPN DXDX 𝐆𝐞𝐧𝐒𝐚𝐧, gipaniguro ni GSCPO chief, P/Colonel Gilberto Tuzon nga wala nagpasagad ang kapulisan sa ilahang trabaho aron mahatagan og kasolbaran ang maong mga krimen.

Subli usab miapela ang opisyal sa publiko sa igong kooperasyon alang sa ika-hapsay og kalinaw sa siyudad.  (John Rey Somido)

Related posts

Pagpaubos Sa Lockdown Sa Sityo Zapatera, Brgy. Luz, Cebu City Gilibkas Na

RPN

PUJ Drivers, Operators Join HPBS Basic Business Training

RPN

DUHA KA MGA LAYAKI DAKPAN SA ILLEGAL NGA TARI-TARI

RPN News

Resolusyon Alang Sa Pagtukod Sa Dipolog River Park Gipasar Sa SP

RPN

Green Sea Turtle Released Yesterday By The Maritime Police, BFAR, City Agriculture

RPN

Davao City Rolls Out Food Aid To Workers Of Still Closed Biz Firms

RPN

Criminal Gang Neutralized In Ipil Also Member Of ASG

RPN