Nakuha usab sa LGU San Francisco ang 2019 Good Financial Housekeeping basi sa ulahing resulta o memorandum gikan sa Department of the Interior and Local Government (DILG) Quezon City pinitsahan Hunyo 26, 2020.
Sumala pa, ang LGU San Francisco (Anaoaon) usa sa mga nakacomply sa mga rekisitos human sa assessment period.
Gumikan sa bag-ong nakab-ot nga dungog, gikalipay kini sa mga lungsuranon uban sa pagpasalamat ngadto kang Mayor Val Pinat nga nagsilbing ilang amahan sa maong lungsod.
Kauban sa additional LGU passers as of June 25, 2020 sa probinsya sa Surigao del Norte mao ang LGU Dapa nga gisundan sa San Francisco.
Ang maong memorandum pirmado ni Atty. Odilon Pasaraba, CESO III, nga nagsilbing Director IV sa Bureau of Local Government Supervision (BLGS).
Kahinumduman nga sa ulahing talaan sa DILG niadtong Hunyo 5, 2020, nakuha usab sa LGU San Benito ang 2019 Good Financial Housekeeping. (Jun Prex Salubre, Ronda 6 RPN DXKS)