Arestado ang dalawang pulis Marikina, matapos na manghalay ng dalawang babaeng preso sa kanilang police office.
Kinilala ang dalawang suspek na sina Patrolman Arnold Geroy at Patrolman Sonny Maruzzo, na pawang mga tauhan ng Station Special Operations Unit (SSOU).
Ayon kay P/Maj. Gen. Debold Sinas, Director ng National Capital Region Police Office (NCRPO), nangyari ang panghahalay ng dalawang pulis habang nagsasagawa ng custodial debriefing sa opisina ng SSOU matapos na maaresto ang dalawang babae noong linggo.
Aniya, nabunyag ang nangyaring panghahalay ng dalawa matapos na magsumbong ang mga babae sa bantay ng custodial facility.
Agad namang inaresto ang dalawang pulis, matapos na makarating ang impormasyon sa hepe ng Marikina Police.
Sa ngayon, mahaharap ang dalawang tiwaling pulis sa kasong paglabag sa RA 8353 o anti rape law.