Patay ang 2 ka mga target sa Regional Philippine Drug Enforcement Unit 12 kon RPDEU 12 sa Munisipyo sa Tupi, Probinsya sa South Cotabato milabay nga Hunyo 19. 2020 sa gitigayong magkasunod nga buy-bost entrapment operation.
Nag-uban ang mga element sa RID 12, PDEU, Tupi Municipal Police Station og SoCot Provincial Police office nga adunay koordinasyon sa PDEA 12, pasado 1:25 sa kadlawon, misulod ang operatiba sa us aka volcanizing shop sa Purok 14, Barangay Publacion, Tupi, South Cotabato.
Nakapalit ang operatiba og usa ka paketeng gidudahang shabu gikan sa suspect sa kantidad nga 500 pesos. Human ang transaksyon, nakamatikod matod pa ang suspek nga pulis ang katransaksyon hinungdan nga gikuha niini ang iyang armas apan naunhan sa mga operatiba sa pagpabuto.
Gisulayan pa pagdala sa balay-tambalanan ang suspek nga nailang si Noe Vasquez Caberoy alyas Noe, 36 anyos og lumulupyo sa maong dapit, apan gideklarang dead on arrival sa attending physician.
Natigayon ang ikaduhang buy-bust entrapment operation pasado 11:20 sa buntag sa Provincial Road, Sitio Deluna, Barangay Acmonan, Tupi, South Cotabato.
Target sa operasyon si Romy Macantal Gasing alyas Romy, 51 anyos, miyembro sa Barangay Auxiliary og residente sa Sitio Stop, Barangay Acmonan, Tupi, South Cotabato.
Pagkamatikod sa suspek nga pulis ang iyang kaatbang, nakapabuto matod pa kini sa iyang kalibre 38 nga hinungdan sa pagbinaslanay sa bala tali sa suspek og kapulisan nga mirisulta sa kamatayon sa suspek sa igo-pinusilan.
Gikunsidera matod pa ang mga suspek nga mga Level 1 High Value Targed (HVT) sa Inter-Agency Drug Information Database (IDID).