Laing duha ka pasyente sa COVID-19 ang naka-recover ug nakagawas na usab sa Zamboanga del Norte Medical Center kagahapong adlawa, Lunes.
Sa nasayran gikan ni Ms. Marnie Omamalin, ang Chief Nurse sa maong tambalanan nga ang nakagawas mao sila si Patient 141 ug Patient 147.
Si Patient 141, usa ka babaye, 22 anyos ug lumolopyo sa barangay Turno ning dakbayan sa Dipolog, walay travel history gawas sa probinsya sa Zamboanga del Norte.
Ang maong pasyente usa ka co-morbid uban sa asthma.
Samtang si Patient 147, usa ka lalaki, 48 anyos ug taga Central Barangay ning dakbayan sa Dipolog ug wala gihapoy travel history gawas ning probinsya.
Ang maong duha ka COVID-19 survivors sadya kining gisugat sa mga personahe sa maong tambalanan.
Nasayran nga kutob karong adlawa, adunay 22 ka pasyente sa COVID-19 sa Zamboanga del Norte Medical Center ang naka-recover ug nakagawas na sa maong tambalanan.
Below is the video of their release from Zamboanga del Norte Medical Center:
(Credits to the owner of the video)
(Provincial Information Center | OIC Lyza Bautista, RPN DXKD Dipolog)