Radio Philippines Network
DXKT Davao News Provincial News

1st State Of The IP Address , Gipahigayon Sa New Bataan

Davao De Oro- Nagmalampuson ang gipahitabong State of the IP Address nga gipahitabo sa unang higayon didto sa Municipal Tribal Office sa lungsod sa New Bataan, Davao de Oro.

Gitambungan sa dose ( 12 ) ka mga IPMR’S sa dose ( 12) ka Barangay sa lungsod ang maong kalihukan nga gipangunahan sa  resident sa liga sa IPMR’S nga si Ricardo Banag ug ni Municipal IPMR’S Arnel Sugnoan.

Ang mga IPMR’S nga mitambong gilangkuban nila IPMR Antonio Dagansan sa Brgy. Cabinuangan, IPMR Elmer Dodong sa Barangay Kahayag, IPMR Matias  reside Brgy. Bantacan , IPMR Jimmy Sadia sa Barangay San Roque, IPMR Charlie Babacal sa Brgy. Pagsabangan , IPMR Gregorio Bangcog sa Brgy. Tandawan, IPMR Recy  Atanacio  sa Brgy. Fatima, IPMR Eufemia Buhatan sa Brgy. Magangit , IPMR Emelda Dacula sa Brgy. Batinao , IPMR Maximo Baucan sa Brgy. Manurigao , IPMR Roger Saigad sa Brgy. Andap ug sa Brgy. Camanlangan ang  resident sa liga sa mga IPMR’S nga si IPMR Ricardo Banag.

Gisugdan ang programa pinaagi sa  CALL TO ORDER nga gihimo ni  Municipal IPMR Arnel Sugnoan dayong gisundan sa panawagtang ug Philippine National Anthem nga parehong gipaagi sa Audio Visual Presentation og dayong gisunod ang Roll Call og Declaration of Quorum ni Ricardo Banag , ang IPMR’S League President ug si Arnel Sugnoan ,ang Municipal IPMR ang nagpahigayon sa ‘ suspension of Rules”.

Sa pagpamulong ni Municipal Tribal Chieftain Matikadung Daniel Pagantupan iyang gipadayag ang mga kalampusan nga nahimo sa Tribo sulod sa Tuig 2020 bisan pa man luyo sa gisagubang pandemya kalakip ang pagka- Covid-free sa Tribo nga gilangkuban sa Tribong Mansaka ug Mandaya.

Sumala pa nga katungod sa Tribo ang pagpahibalo sa katikaran sa mga lideres sa Tribo hilabi na sa hisgutanan nga pangkalinaw ug pangkalambuan.

Mga natuki o nahisgutan ni Matikadung Pagantupan naglangkob sa Environmental Protection and Management , Socio- Economic and Agriculture, Preservation of Cultural heritage, organizational and Institutional Development, Peace and Order ingon man ang Disaster Risk Reduction and Climate Change Adaptation.

Apil sab ang  basic services and social infrastructure sa Tribo nga sumala pa sa maong hisgutanan padayon ang kakugi’g paningkamot sa Tribo sa pagpangitag pamaagi nga makahatod ug social services ngadto sa katawhang Mandaya-Mansaka taliwala sa kawad-on sa budget.

Ug sa infrastructure gibutyag nga kauban sa Tribo ang tabang sa Probinsiyal nga panggamhanan ning Probinsiya nga gipangunahan ni Gobernador Jayvee Tyron Uy ug 1ST District Congressman Manuel “ Way Kurat “ Zamora.

Dugang pa nga sa maong tigom gihimo ang paghatag ug pasidungog sa giilang mga champion sa IP Development Code nga gilangkuban nila Hon. Mar Bianca Cualing – Brua, Hon. Nelson Cabunas, Hon. Elfa Digaynon ug Municipal IPMR Arnel Sugnoan.

Nga bisan og wa maaprobahan sa konseho ang maong  IP Code gikalipay sa Tribo ang suporta nga gipakita sa giilang mga Champion ug malaumon nga muabot  ang higayon nga kini mahatagan og pagtagad sa hawanan sa konseho.

Mipatim-aw sab sa maong okasyon si Board Member Nena “ Ate Nen’s “ Atamosa nga mipaabot sa iyang mabulawanong mensahe pahinungod sa Tribo.
(Michael Manguhig, RPN DXKT Davao OIC)

Related posts

Pabuto O Firecrackers Sanan Pyrotechnics Dili Itugot Kuman Nan Kagamhanan Nan Ciudad

RPN

Baao ASF free na, puedi ng magpabakal nin orig an nasabing banwaan

RPN News

Emergency Power Interruption (December 03, 2020)

RPN