Muabot sa 1,325 ka mga healthcare workers o priority group A1 sa Cagayan de Oro ang naka-kompleto na sa AstraZeneca COVID-19 vaccines nga gipahigayon sa Robinsons Mall ug Limketkai Mall vaccination sites, sa miaging adlaw.
Lakip si Dr. Teodulfo Joselito Retuya Jr, city epidemiologist ug Dr. Teodoro Yu Jr. sa City Health Office ang natupokan sa second dose sa AstraZeneca vaccines.
Subling gipasabot ni Dr. Retuya nga pipila sa mga common nga reaksyon human mabakunahan mao ang pagsaka sa blood pressure, paglabad sa ulo, pagsakit sa injection site, ug aduna usab pipila ang makasinati og pagsuka-suka ug skin rashes.
Gipasabot ni Dr. Retuya nga mas bug-at pa ang benepisyo nga maangkon sa pagpabakuna kaysa sa masinati nga side effects. (City Information Office)