Indauloan ni Gob. Matthew Marcos Manotoc ti pannakaipaay ti stipend dagiti iskolar ti probinsia ti ili a Piddig.
Naiyawat idiay Piddig National High School ti stipend dagiti iskolar para iti tallo a bulan.
Segun iti Gobernador, umabot iti sanga gasut sangapulo ket pito dagiti iskolar ti probinsia iti nadakamat nga ili manipud iti senior high School, Academic, Sirib Youth Leader ken Techvoc.
Impeksa ti Gobernador ti panagpadispensarna iti naladaw a pannakaipaay ti Stipendda.
Imbatadna a daytoy ket gapu iti pannakaipatungpal ti Enhanced Community Quarantine itay kallabes.
Mangnamnama ti Gobernador a nupay naladaw ket dakkel a makatulong daytoy kadagiti iskolar pakairamanan dagiti pamiliada nangnangruna iti pannakaipatungpal ti “online learning” iti panagadal dagiti estudiante
Ginutigotna dagiti iskolar a mangbiruk iti wagas tapno maituloyda ti panagadalda nupay problema ti “internet access” iti naruay a lugar ditoy probinsia.