Radio Philippines Network
DYKC Cebu News Provincial News

10 Mil Ka Test Sa Covid 19 Matag Adlaw Sa Cebu Buot Himoon Sa IATF Sa Mosunod Duha Ka Buwan

Cebu City-Naglaraw ang kagamhanan paghimong 10 mil sa kapasidad sa inadlawng test sa coronavirus disease o COVID-19 sa Cebu sud sa mosunod nga duha ka buwan.

Gipahibawo kini sa kadagkoan sa IATF o Inter-Agency Task Force for the Management on Emerging Infectious Disease sa milabayng adlaw.

Sumala pa sa deputy chief implementer sa IATF, Vivencio Dizon, mahimong makab-ot ang  10,000 nga kapasidad sa Sugbo sulod sa usa ngadto sa duha ka buwan apan ang substantial capacity mahimong gikan lang sa 5 ngadto sa 7 mil sa unang buwan.

Ang IATF-MEID, nga mas nailhang IATF lang, usa ka anti-coronavirus task force sa gobyerno.

Si Dizon, uban sa chief implementer, Sec. Carlito Galvez, Jr., miduaw sa Cebu pagka Sabado aron pagsiksik ug pagmonitor sa kahimtang sa problema sa pandemic nunot sa mando ni Pres. Rodrigo Duterte.

Matod ni Dizon, ang pagpalapad sa testing capacity sa Sugbo mahinungdanon sa pagpadis-og sa ekonomiya sa probinsiya ingon man sa pagpugong sa second wave o ikaduhang hugna sa pagkatap sa Covid 19.

Segun sa record sa DOH 7, nakatala ang rehiyon og kapin sa 2 mil ka kaso  diin 43 ang patay ug 141 ang nangaayo hangtod  niadtong Mayo 21.

Related posts

Two Pilot School Pupils Topped The National Science Quiz in Calamba, Laguna

RPN News

Davao City Firm Versus General Community Quarantine Violations

RPN

Accomplishment Report On Service Of Warrant Of Arrest Leon B. Postigo MPS

RPN