Cebu City – Mokabat ug P68 milyones nga balor sa illegal nga drugas ang nasakmit sa gipahigayong joint operation sa Police Drug Enforcement Group (PDEG), Criminal Investigation and Detection Group (CIDG), Highway Patrol Group(HPG) ug Cebu City Police Office (CCPO) sa Transcentral Highway, Sitio Tupaz, Barangay Taptap, Syudad sa Sugbo, Hunyo 10, 2021.
Si Police Brigadier General Remus Medina, director sa PDEG maoy nangulo sa joint operation.
Ang maong operation misangpot sa kamatayon sa tulo ka mga drug personalities, diin nakuha ang maleta nga gisudlan sa 10 ka kilo sa gituuhang nga shabu human sa ginukdanay.
“Nagkaroon tayo ng buy bust operation initially doon sa Talisay City, Campo 4. Na konsumante yong buy bust and then na sense ng mga grupo na ‘to na mga operatiba ang ka transaction nila kaya nagka putukan sila doon..” matod ni Medina.
Matod ni Medina nahitabo ang initial encounter sa drug group sa Talisay City, human niana, mipahigayon sila ug drug net ug nakig coordinate sila sa CIDG, HPG, CCPO pinaagi ni Director Col. Ligan aron pag trace ug pag identify sa misibat nga sakyanan-itom nga Toyota Vios.
Giingong gi flag down sa HPG ang maong sakyanan apan wa kini mo hunong hinungdan ang subling pinusilay nga misangpot sa pagkamatay sa tulo sa habig sa subject.
Wa hinoon pay report nga dunay nasamdan sa habig sa PNP.
Nasakmit sa ilang (illegalista) posesyon ang mokabat sa 10 ka kilo nga shabu.
Dugang nakuha nga ebidensya ang buy bust/marked money nga P2.8m, container sa mga drugs nga naka vacuum seal nga gisud sa maleta ug mga armas.
Nakadawat ug report and PDEG nga bigtime ang maong grupo nga nag operate sa Region 7 ug taudaud na nilang gibantayan-mga usa ka buwan.
Ang PDEG wala pay identity sa tulo ka namatay; gipaabot nga maila kini sa progress report.
Duna na hinoon silay idea sa mga background sa mga personality.
Gi-isip ni Medina nga usa ni sa dako nga accomplishments sa PDEG, inabagan sa CIDG, HPF, CCPO.
Dugang niya nga joint effort kini sa PNP sa ilang pag tinabangay kung unsaon nga mahunong ang illegal nga transaction.
Nagtoo ang drug enforcement group nga usa lang ka sakyanan ang gigamit ug naghinaut kini nga wala nay lain pa.
Mipasalig ang opisyal nga ila ning pangitaon kun duna pa man gani mga kauban.
Nabantayn nga dunay gibutang nga paminta ang packaging; sila nagtoo nga plano kini sa grupo aron paglikay nga ma detect sa mga drug sniffing dogs sa PNP.
Gituuhan sa PNP nga gikan sa gawas sa nasud ang maong mga drugas basi kini sa mga markings-adunay mga Chinese Characters. (Jhon Tadlip/JTY)
(News & photos courtesy of Police Drug Enforcement Group)