27.2 C
Manila
Friday, March 29, 2024

₱20 Million Support To Barangay Development Project Fund Gituki Sa RPOC Meeting

- Advertisement -

Davao City –  Isip Chairman sa Regional Peace and Order Council (RPOC) sa Davao Region, gipangunahan ni Governor Nelson Dayanghirang ang gipahitabo karong adlawa nga meeting sa mga miyembro niini nga naglangkob sa mga Gobernador sa upat ka probinsya, si Davao City Mayor Sara Duterte, Regional Directors ug representante sa Philippine Army, Philippine National Police ug uban pang mga Law Enforcement Agencies.

Sa maong meeting ilang gihisgutan ang mga lakang sa rehiyon aron hingpit na nga makab-ot ang tinud-anay nga kahapsay ug kalinaw. Apil sa nahisgutan sa maong pulong ang ₱ 20 million Support to Barangay Development Project Fund nga gi-presenta ni Department of Budget and Management Sec. Wendel Avisado pinaagi sa virtual teleconference.

Ang maong budget gitakdang ibubo sa mga priority barangay sa rehiyon sa tumong na madaug ang suporta sa mga katawhan ngadto sa gobyerno ug aron mawagtang na ang impluwensya sa Communist-Terrorist Group nga CPP-NPA-NDF.

Nagpresenta usab si Davao City Mayor Sara Duterte-Carpio pinaagi sa virtual teleconference kabahin sa issue sa peace and order sa dakbayan sa Davao lakip na ang mga issue sa eskwelahan nga nalambigit sa walhong grupo nga CPP-NPA-NDF.

Naghatag usab ug presentasyon ang 10th Infantry Division, Philippine Army nga gipanguluhan ni Major General Reuben Basiao ug ang Police Regional Office XI sa pagpangulo ni Police Brigadier General Filmore Escobal.

Nitambong usab sa maong meeting si Davao del Norte Gov. Edwin Jubahib samtang nitambong sa video teleconference si Davao de Oro Governor Jayvee Tyron Uy, representante sa uban pang Local Chief Executives, ug mga regional directors sa nagkadaiyang ahensya sa gobyerno. (Public Information Office | OIC Michael Manguhig, RPN DXKT Davao)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -