General Santos City–Gikabutyag ni Kath Abad ang tigpamaba sa PDEA-12 nga sa karon wala silay namonitor nga mga shabu laboratory sa Region 12, basin a usab sa ilang gihimong monitoring sa tibuok rehiyon.
Sa ilang pagsuta makonsiderang consuming region lang ang rehiyon 12 gumikan walay naga-produce ug iligal drugs sa rehiyon.
Dugang pa ni Abad nga ang mga shabu nga naga-circulate sa rehiyon ang naggikan sa laing lugar ug ginabyahe piaagi sa by land, sa dagat ug mga parcel hinungdan nga mas gipahugtan pa nila ang ilahang pagbantay sa mga terminal, sea port ug airport aron nga mapugngan ang pagsulod niini.
Samtang gibutyag pa ni Abad nga ang pagtaas sa presyo sa shabu usa ka timailhan nga nigamay ang supply niini sa rehiyon.
Kung kaniadto matud pa ang presyo sa kada gramo sa shabu basi sa dangerous drug value board ang anaa sa 5 mil, mas ubos kung ikumpara sa presyo sa matag gramo sa shabu karon nga anaa na sa 6 mil hangtud sa 7 mil ka pesos.
Nasayran nga gikan sa bulan sa Enero ngadto na sa kataposan sa bulan sa Hunyo, nakapahigayon na ug gatosan ka mga operasyon ang PDEA-12 kung asa gatusan na usab ang nasikop niini diin sagad sa mga dinakpan ang makonsiderang high value target ug ang uban ang myembro sa mga drug group.
Mukabat usab ngadto sa 5.5 million pesos ang gibana-banaang kantidad sa mga nakomposkang iligal nga droga nga kasagaran shabu kung asa anaa sa 800 grams ang gibana-banaang gidaghanon niini samtang anaa sa kapin kon kulang isa ka kilo nga pina-ugang dahon sa marijuana ug naka-ibot usab sila ug libuan ka punuan sa tanom nga marijuana.