Ta prepara ya el pulisya para planta formal asunto por el violasyon del Comprehensive Dangerous Drugs Act of 2002 contra con un persona ya aresta sila durante el campanya contra droga illegal aki na ciudad.
Asegun con Major Shellamie Chang, portavoz del mando rehional del pulisya, con Nasser Alih alias Poy, ya aresta maga operativa na encabesamiento del Special Operations Unit-9 del Sabado tarde alli na Sitio Aticlan, Barangay Arena Blanco, este ciudad.
Si Chang ya habla cay ya puede recubri na posesyon de Alih mas o menos sien gramos de suspechao shabu que tiene el valor de seis sientos ochenta mil de pesos, un cellphone, y kinientos pesos marked money ya pone insima de un bundle de boodle money.
Si Alih bajo ahora na custodiya del pulisiya. (Jennyrose Delos Santos)