Zamboanga: Un rebelde NPA ya rindi na Zamboanga del Sur

0
0

Ya decidi rindi el un rebelde New People’s Army (NPA) cuando ya mira le maga buen programa del govierno para con maga antes rebelde na provincia del Zamboanga del Sur.

Visit RPN DXXX Zamboanga

Si Denmark Uba, quien conosido de alias Ka Dino y Ka Tikboy, ya entrega un riple AK-47 cuando ya rindi ele del Sabado con Governador Victor Yu, el presidente del Zamboanga del Sur Provincial Task Force to End Local Communist Armed Conflict (PTF-ELCAC).

El rindida de Uba ya facilita el 53rd Infantry “Matapat” Battalion (53IB) siguendo el serye de negociasion.

Asegun con Yu cay dispuesto el govierno ayuda y recivi con maga myembros del NPA quien ay rindi.

Asegun con Uba, ya sale ele na organizasion del NPA despues que ya puede le mira el maga programa como el proyecto de buena vida que ta ofrese el 53IB con maga antes rebelde y maga desarollo na maga lejanos lugar na provincia del Zamboanga del Sur.

Si Brigadier General Leonel Nocilas ya motiva con maga rebelde NPA para rindi y bira na lao del govierno.

Si Nicolas ya habla cay ay sustene sila de ila esfuerso na lejanos lugar para mantend el paz y motiva con el restantes mymebros del rebelde NPA para rindi.

Myentrastanto, si Tiniente Coronel Terence Ylanan, el comandante del 53IB, ya expresa su gratitud con Yu por el suporta del governador como el presidente del PTF-ELCAC. (Bong Garcia, Jr., photo courtesy of 53rd Infantry Battalion)

LEAVE A REPLY

Please enter your comment!
Please enter your name here