Zamboanga: Un persona de edad arestao na asunto de ‘rape’ na Zamboanga del Norte

0
0

Con un persona de edad quien ta enfrenta asunto del “rape” ya aresta maga personajes del pulisiya durante el campanya contra “wanted persons” aqui na region nueve.

Visit RPN DXXX Zamboanga

Si Coronel John Francis Encinareal, hefe del Criminal Investigation and Detection Group (CIDG) na rehyon, ya nombra con el arestao suspechao como si Monico Piang, setenta’y uno años el edad.

Asegun con Encinareal cay con Piang ya aresta maga alas tres del Martes tarde na Sitio Sibaka, Barangay Madalag, Jose Dalman, Zamboanga del Norte.

Asegun con Encinareal cay si Piang tiene pendiente orden de aresto sin piansa por el crimen de rape que ya dale del Agosto uno anio dos mil veinte dos el tribunal del Sindangan, Zamboanga del Norte.

Si Encinareal ya habla cay alegaomente si Piang ya abusa con su mismo menor de edad apu na de suyu casa.

El quien ya persigi planta el formal asunto criminal contra con Piang amo el abuela del victima. (Bong Garcia, Jr.)

LEAVE A REPLY

Please enter your comment!
Please enter your name here