Zamboanga: Un Motor y Military truck yan bangga-an na Barangay Victoria

0
0

Alas sinco quiense del ayer tarde, Un concierne persona ya lama na Police Station 3 y ya reporta que tiene asigun vehicular accident que ya occuri na MCLL Highway, Barangay Victoria, en este Ciudad.

Visit RPN DXXX Zamboanga

El policía ya identifica con el tsufer del motor MC Honda Wave 100 placa numero 8423 JP como si Angelito Dumalag y Ballega,cuarenta’y anios soltero y resident de Zone 2, Barangay Boalan, en Este Ciudad y El Tsufer del KM 250 truck ya nombra como si Dranreb Reyes y Rodriguez, treynta’y sinco anyos el edad, kasao y miembro del AFP (Marines) quien designao na MBLT11 y residente de Brgy Tugbungan en este Ciudad.

Asegun el Police Stacion 3 abos maga vehiculo ya travesa na on opposite direcion y cuando ya Liga na mentionao lugar de incidente, zigzag ya asegun ta corre el motor, y alegaomente como tomao el de este driver y derepente ya man sangit na frontera lao esquierda rueda del truck causa para man balascat este na camino.

Si Dumalag ya sustene maga iridana diferentes parte del su cuerpo y ya possible que ya sustene también este fracture na su pies. Ya lleva dayun corre con Dumalag na Zamboanga City Medical Center para el curada Medical. El Motor y Truck ya lleva na Police Stacion 3 para el propio desposition. (April Boy Regino)

LEAVE A REPLY

Please enter your comment!
Please enter your name here