33.8 C
Manila
Friday, March 29, 2024

Zamboanga: Un deci-otso anyos persona ya sale arestao na Barangay Guiwan

- Advertisement -

Alas tres y medya del ayer madrogada, El Consejala Al-Jihan Edding ya aparese y reporta na Police Station 11 cay tiene un persona ya entra na su cuarto.

Visit RPN DXXX Zamboanga

El Police Station 11 ya nombra con el suspechao como si  Warlito Benito alias “Dodong’’, deci-ocho anios soltero y residente de Mormons drive, Barangay Tetuan en Este ciudad.

Base na investigasyon del Police Station 11 Asegun con Consejala Edding banda ala una veinte del madrogada cuando ya liga ele su mismo residensiya  ya puede nota cay su uno del maga cuarto y el bentana abierto ya.

Asegun con Consejal Edding ya anda ele su cuarto para sera pero ya sale ele supresao cay tiene un hombre adentro na su mismo cuarto y depues ya pidi ele ayuda con su familia y llama con el Barangay Tanod.

Con Benito ya aresta El maga Barangay tanody ya puede confisca na posesyon dos necklaces valor de dos mil  dosientos pesos y sinco pedaso de veinte pesos.

Si Benito detenido ahora na Police Station 5 y esperansao enfrenta el asunto de robo. (Aprilboy Regino)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -