Zamboanga: Un Chufer y un jovensito arestao na campanya contra droga ilegal na dos separao lugar na Ciudad de Zamboanga

0
0

Con un Chufer ya aresta el maga personajes de Police Station 2 del Sábado noche na un campanya contra droga ilegal, na Los Primos, Barangay Tugbungan, en este ciudad.

Visit RPN DXXX Zamboanga

El Police Station 2 ya nombra con el chufer suspechao como si Aljemar Habibula Kara A.K.A “Boy”, veinte ocho anios el edad, kasao y residente de Zone 2 Barangay Sinubong, Cuidad de Zamboanga.

Maga pulis ya puede confisca con Habibula dos pakete de alegao shabu que tiene el valor de dies mil,dosientos de pesos y dosientos pesos markao sen.

Mientras Alas onse de media dia, Agosto Trese ya  reporta el maga personajes del City Traffic Enforcement Unit nombrado como canda Pat Mark Henry Hapas y  Pat Haja Ahadi quien ta man duty aquel maga tiempo na Veterans Avenue, por medio de llamada na ZCPO donde Alegaomente ya encontra sila sachet de suspechao drogra illegal na posecion del un jovensito.

Con este persona ya identifica  como si Louise Manalo,veinte anios el Edda, soltero y residente de  KM 7, Brangay Pasonanca este ciudad.

Base na investigation si Manalo ya viola el ley traffico,cuando ya manda presenta con el su Driver’s License tiene asegun cosa ya buta pedasito de papel si Manalo. Cuando ya chekya con el papel el maga personajes de City Traffic Enforcement Unit , ya aparese que el un pesito papel ta contene un gramo de alegao shabu que tiene valor de seis mil, ocho sientos pesos.

El arestao chufer  detenido ahora na Police Station 2 mientras el jovensito  detenido na cartel del Police Station 11, pediente  el plantada de caso contra canila por el violasyon con el Comprehensive Dangerous Drugs Act of 2002 o el R.A. 9165. (April Boy Regino)

LEAVE A REPLY

Please enter your comment!
Please enter your name here