Zamboanga: Tropa del govierno ya recubri material de guerra del grupo Abu Sayyaf

0
0

El combinao fuersa del militar y pulisiya ya recubri maga armas de fuego de alta calibre y maga explosivo durante un operacion contra con un myembro del grupo Abu Sayyaf del Biyernes na Sitio Oval, Barangay Tipo-Tipo proper na municipio de Tipo-Tipo, provincia de Basilan.

Visit RPN DXXX Zamboanga

Asegun con Tiniente Heneral Alfredo Rosario Hijo, comandante del Western Mindanao Command (Westmincom), cay el objeto de operacion, si Tawakil Bayali alias Jaber, enseguidas ya istindi y escapa cuando ya nota ele el llegada del maga tropa del govierno.

El maga cosas ya recubri el tropa del govierno ta na casa de Bayali incluwi un M-79 Grenade Launcher, un bala de 40-millimeter, two rifle grenades, tres grenada, y setenta’y dos bala de calibre treynta masinggun.

Asegun con Rosario cay ta intensifica sila del ila operacion de inteligencia para busca con el maga restante myembros del grupo Abu Sayyaf.

Asegun con Rosario cay ta ase sila mafuersa de ila colaboracion con el pulisiya y otro maga agencia de seguridad para el buen exito del enforsada del ley aqui na rehyon. (Bong Garcia, Jr., photo courtesy of Naval Forces Western Mindanao)

LEAVE A REPLY

Please enter your comment!
Please enter your name here