- Advertisement -
Un tripulante ya muri abordo na un varco de fesca ayer alamadrogada na la mar de Jolo, Sulul.
El Police Station 9 ya nombra con el muerto como si Ronilo Montillano, cuarenta’y anios el edad y residente de Recodo, este ciudad.
Base na investigacion del pulisiya derefente lang ya desmaya si Montillano myentras ta viaja sila maga alas dos sincuenta del aga estaba na Jolo en camino para akina ciudad de Zamboanga.
Mismo tambien el kapitan del varco, si Edward Pradilla, ya espanta cuando derefente ya tumba si Montillano y tupa el cabesa na timon del varco.
Asegun con Pradilla, ya acudi sila con Montillano pero nohay mas este resuello.
Con el resto de Montillano ya lleva na un funerarya eki na ciudad para el post mortem examination. (April Boy Regino)
- Advertisement -