Zamboanga: Tresientos cuarenta mil cantidad de shabu ya confisca, uno el arestao

0
0

Arestao el un alegao grande negociante myentras tresientos cuarenta mil de pesos cantidad de suspechao shabu el ya confisca na un campanya contra droga ilegal aqui na ciudad de Zamboanga.

Visit RPN DXXX Zamboanga

Con el arestao persona ya conose como si Dennis Sombreno Pungutan alias Ted, treynta’y dos años el edad y residente del Sitio Paniran na Barangay Zone 4 este ciudad, asegun con Coronel Richard Verceles, el operations chief del Area Police Command-Western Mindanao.

Asegun con Verceles cay con Pungutan ya aresta na un “buy-bust operation” maga alas onse sinco del Domingo aga na calle Murga, Barangay Santa Catalina, este ciudad.

Con Pungutan enseguidas ya aresta despues que ya dale ele un pakete de shabu y recivi el pago desde con un secreta del pulisiya.

Asegun con Verceles ya confisca na posesion del suspechao no menos de sincuenta gramos de suspechao shabu que tiene el valor de tresientos cuarenta mil pesos, un balutan de sesenta’y nueve pedaso de paltik mil peso como “boodle money” que ya pone insima dos verdadero papel de quinientos pesos como markao sen, y un suput-suput de plastic.

El buy-bust operation ya conduci contra con Pungutan siguendo el serye de visiada na su mal actividades.

El suspechao detenido ahoara na quartel del pulisiya local. (Bong Garcia, Jr., photo courtesy of Area Police Command- Western Mindanao)

LEAVE A REPLY

Please enter your comment!
Please enter your name here