Zamboanga: Tres oficiales militar ya ponde bajo mando del ‘Tabak’ Division

0
0

El “Philippine Army” ya designa con tres maga oficiales para sirvi bajo mando del “1st Infantry “Tabak” Division base na Campo Major Cesar Sang-an na provincia del Zamboanga del Sur.

Visit RPN DXXX Zamboanga

El tres maga oficiales amo canda Tiniente Coronel Anshary Pumbaya, Tiniente Coronel Abelo Potutan, y si Tiniente Coronel Eugen Ramon.

Con el tres oficiales ya recivi si Brigadier General Antonio Nafarrete, el commandante del 1st Infantry Division na un simple ceremonia de bienvenida del Lunes na Campo Sang-an.

Durante el ceremonia, ya ase pilit si Nafarrete el sello de “Tabak” na maga uniforme del tres oficiales que ta indica maga myembros ya sila del mando.

El 1st Infantry Division tiene el jurisdiccion con el entero Zamboanga Peninsula, y maga provincial de Basilan, Misamis Occidental, Lanao del Norte, y porcion del Lanao del Sur. (Bong Garcia, Jr., photo courtesy of 1st Infantry Division)

LEAVE A REPLY

Please enter your comment!
Please enter your name here