Tres personas ya iri cuando ya man bangga-an el un tricycle y motorsiclo ayer tarde na Barangay Lunzuran, este ciudad.
Con el maga irido personas ya conose como canda Jessiery Daniel Ismael, treynta’y sinco anios; Kevin Albert Demecillo, veinte anios; y si Adones Ferolino, treynta’y sinco anios el edad.
Asegun con el Police Station 5 cay si Ismael ta maneja tricycle cuando ya man bangga conele el un motorsiclo ta maneja si Demecillo y ta sigi con el ankas si Ferolino.
Ambos el tricycle y motorsiclo ta viaja para na direccion de Lunzuran estaba na Barangay Putik durante el incidente.
Con el tres irido personas ya lleva na hospital para ase el curada medical.
Asegun con el Police Station 5 cay ta aparece boracho el chufer de motorsiclo y el su angkas cuando ya ocuri el accidente. (April Boy Regino)