Zamboanga: Tres arestao, cuatro sientos treynta’y mil smuggled cigarillo confiscao na campanya de ‘Oplan Mega Shopper’

0
0

Maga pulis hunto con el personajes del Departamento de Salud y Buro de Rentas Internas ya aresta con tres pesonas y confisca cuatro sientos treynta’y ocho mil nueve sientos pesos cantidad de smuggled cigarillo na campanya contra bendida de contrabando na provincia del Zamboanga Sibugay.

Visit RPN DXXX Zamboanga

Si Coronel Richard Verceles, operations chief of the Area Police Command-Western Mindanao, ya nombra con el maga aresta suspechao como canda Jerry Allani, sincuenta’y uno; Arman Sahid, veinte uno; and, Ebilina Maruji, cuarenta anios el edad con quien ya aresta na campanya del Operations Plan Mega Shoppers.

El objecto el camanya del Oplan Mega Shoppers amo para cuji con aquellos ta bende maga contrando, particularmente smuggled cigarillo.

Asegun con Verceles can canda Allani y Sahid ya aresta del alas cuantro del sabado tarde na pasalubong building alla na Poblacion del municipio del Ipil, Zamboaga Sibugay.

Asegun con Verceles cay ya puede confisca canila dos diferente clase de smuggled cigarillo que tiene el valor de siento setenta’y uno mil quinientos pesos and markao sen.

Con Maruji ya aresta maga alas sinco el Sabado tarde na tiangge public na Barangay Don Andres, Ipil, Zamboanga Sibugay.

Asegun con Verceles ya puede confisca na posesion de Maruji smuggled cigarillo que tiena el valor de dosientos sesenta’y siete mil cuatro sientos pesos y markao sen.

Asegun con Verceles cay con el maga aresta duenio de tienda ya lleba na oficina del Criminal Investigation and Detection Group (CIDG) na Zamboanga Sibugay paa el documentasion y propio disposision. (Bong Garcia, Jr., photo courtesy of Area Police Command- Western Mindanao)

LEAVE A REPLY

Please enter your comment!
Please enter your name here