- Advertisement -
Maga personajes del Regional Drug Enforcement Unit-9 (RDEU-9) ya aresta con un nativo de Parang, Sulu durante un campanya contra droga ilegal del Biyernes na Barangay San Jose Cawa-Cawa, este ciudad.
El RDEU-9 ya nombra con el arestao suspechao como si Sudin Hussin, veinte ocho anios el edad y presentamente ta queda na Mangal Drive, Barangay Baliwasan, este ciudad.
Maga personajes del RDEU-9 ya confisca na posesion de Hussin setenta’y sinco gramos de suspechao shabu que tiene el valor de quinientos dies mil de pesos, un bundle de boodle money y mil pesos markao sen.
El arestao suspechao detenido ahora na quartel del pulisiya local myentras ta ase el necesaryo preparasion para planta formal asunto contra conele na jusgado. (April Boy Regino)
- Advertisement -