- Advertisement -
Maga personajes del Police Station 6 ya aresta con un persona na camapnya contra droga ilegal na Sitio Lapu-Lapu, Barangay Arena Blanco, este ciudad.
El Police Station 6 ya nombra con el arestao suspechao como si Nur-Amin Baharin, veinte anios el edad.
Con Baharin ya aresta maga pulis del Huwebes tarde na barrio de Arena Blanco.
Maga pulis ya recubir na posesion de Baharin suspechao shabu que tiene el valor de tres mil cuatro sientos pesos y dosientos pesos markao sen.
Si Baharin detenido ahora na quartel del Police Station 6 y esperansao enfrenta el asunto por violacion del ley contra droga ilegal na local tribunal. (April Boy Regino)
- Advertisement -