27.2 C
Manila
Friday, March 29, 2024

Zamboanga: Pulisiya local ya aresta dos personas y confisca maga contrabando

- Advertisement -

Maga autoridad ya aresta con dos personas y confisca valor de sien mil pesos cantidad de contrabando na Sitio Malasugat, Barangay Sangali, este ciudad.

Visit RPN DXXX Zamboanga

Si Coronel Richard Verceles, el operations chief del Area Police Command-Western Mindanao, ya nombra con el dos arestao personas como canda Alwaler Jakirani, veinte tres, y si Herla Ambos, veinte uno años el edad.

Asegun con Verceles cay maga pulis ta conduci checkpoint na Sitio Malasugat, Barangay Sangali, cuando ya ase sila para con el vehiculo ta maneja si Jakirani para inspecciona.

Durante el inspeccion, maga pulis ya descubri cay el vehiculo ta contene sinco cahon de cigarillo con el valor de sien mil pesos y ni uno de ila dos de Jakirani y Ambos el ya puede presenta documentos del maga cargamentos.

Asegun con Verceles cay con el maga contrabando, vehiculo y el dos arestao persons ya entrega na custodiya del Buro de Aduana para el propio accion. (Bong Garcia, Jr., photo courtesy of Area Police Command- Western Mindanao)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -