El City Community Affairs and Development Unit hunto con mga personajes del Salaam Police Center-Western Mindanao y Civil Military Operations ya visita na Al-Makhdumeen Islamic Center (AIC) alli na Mampang en coordinacion con Sheikh Ahmad Imbing, el director AIC.
Durante del visitada, ya tene sila un dialogo con el mga maestro, personajes y estudiante del Islamic Center.
Si Police Lieutenant Abdulgajir Sawadjaan, el Salaam officer, ya expresa si gratitude con el administracion y estudiante del Islamic Center por el tiempo ya dale sila para el dialogo.
Si Sawadjaan ya apela con el mga estudiante del mencianao Islamic Center para keda parte del solucion na mga problema del sociedad este tiempo, especialmente na problema de violent extremism y terorismo.
Si Sawadjaan ya habla cay debe sila tene el coraje para keda un modelo del comunidad Muslim y sociedad.
Ta pidi tamen el official con el maga estudiante para no comete acto de terorismo, kidnapping, y usa droga ilegal.
Ya inspira ele con el mga estudiante para concentra na de ila estudio and dedica tiempo para man memorize con el maga chapters del Holy Qur’an. (Jennyrose Delos Santos)