29.8 C
Manila
Friday, March 29, 2024

Zamboanga: Omento order de aresto ya sirvi contra con un detenido Abu Sayyaf na Sulu

- Advertisement -

El pulisiya ya sirvi otro orden de aresto contra con un lider del grupo Abu Sayyaf quien detenido na calaboso del provincia de Sulu por el crimen de kidnapping, matansa, y frustrated murder.

Si Coronel John Francis Encinareal, hefe del Criminal Investigation and Detection Group na rehyon, ya habla cay el orden de aresto ya sirvi contra con Ben Ahaddi Quirino alias Ben Tattoo por el asuntos de doble matansa y frustrated murder estaba na tribunal de Jolo con el pecha de Enero deci-ocho anio dos mil deci-ocho.

Con el orden de aresto ya sirvi contra con Tattoo maga alas sinco veinte uno del Lunes tarde na calaboso de provincia de Sulu alla na Barangay Bangkal na municipio de Patikul.

Si Tattoo detenido na calaboso del Sulu hunto con su hermano, si Almujer Yadah, otro lider tamen del grupo Abu Sayyaf, despues que ya rindi sila con el fuersa militar del Hunio, este anio.

Asegun con Encinareal cay si Tattoo envuelto na maga incidente de kidnappings ambos de maga victima estrangeros y Filipinos, y na maga serye de atrocidad contra con el tropa del govierno na provincia de Sulu.

Asegun con maga otoridad cay canda Tattoo y Yadah envuelto y responsible na matansa del dos cuativo Canadians del anio dos mil deci-seis despues que nohay puede paga rescate el familya del dos victima.

El maga bandido Abu Sayyaf ya abducta con el dos Candadian na un resort na Island Garden City of Samal na provincia del Davao del Norte del anio dos mil kinse y ya lleva para na provincia de Sulu. (Bong Garcia, Jr.) (Photo Courtesy of Criminal Investigation and Detection Group IX)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -