- Advertisement -
Un ochenta anios residente de Guiwan, este ciudad, ya sufri contusion y irida na cuerpo despues que ya man bangga con ele un motorsiclo Huwebes denoche.
El Police Station 5 ya conose con el victima como si Abdul Musa Uddin, un residente del Callejon, Barangay Guiwan.
Asegun con el Police Station 5 cay ta crosa na camino si Uddin pasando na pedestrian lane cuando accidentalmente ya man bangga conele un motorsiclo ta maneja si Rolando Cruz, sincuenta’y tres anios el edad y residente de Barangay Ayala, este ciudad.
Con Uddin enseguidas ya lleba na hospital para el curada medical myentras con Cruz y su motor ya lleba na quartel del Police Station 5. (April Boy Regino)
- Advertisement -