El OCENR ya prinsipya ya conduci con el Solid Waste Management orientations para na maga establisimiento na maga barangay para na compliance del Executive Order JD 2022-008, un executive order que ta manda con el todo maga establisimiento para man secure Solid Waste Management Certificate (SWMC).
El mencionao orientation ya prinsipya del Agosto 2 hasta Setyembre 30,2022 todol martes hasta biyernes y amo el pre-requisite para con el issuance del Solid Waste Management plans and program acordando con el maga guidelines bajo na 10 anyo Solid Waste Management y tiene pago para con el certifico valor de 300 peso.
El estimao numero del maga partisipante na mencionao orientation talyi na 250 persona cada dia para puwede man cover up con el 12,000 maga establisimiento que ta opera aqui na ciudad.
El OCENR pormedjo del maga concierne barangay ay llyama o komunika con el maga business owners para con el diila cadequal schedule na mencionao orientation. (Cristine Falcasantos)