Zamboanga: Nueve punto nueve milyones proyectos del Westmincom ya completa ya

0
0

El Western Mindanao Command (Westmincom) ya complete ya con el implementasion del dos proyectos que tiene el valor de nueve punto nueve milyones adentro na Campo Navarro aki na ciudad de Zamboanga.

Visit RPN DXXX Zamboanga

El dos completao proyectos ta incluwi el siete milyones de pesos rehabilitasion del Westmincom gymnasium y ya ase de nuevo con el multi-purpose building que tiene el valor de dos punto nueve milyoens de pesos.

Con el dos proyectos ya vendici el padre del mando, si Coronel Harley Flores, durante un ceremonya ya ase del Biyernes y ya atende maga alto funcionaryos, personajes, y empleyado del Westmincom.

El Tiniente Heneral Alfredo Rosario, Hijo, el comandante del Westmincom, ya rindi gratitud con el Deapartamento de Obras Pulbicas y Carreteras y con todo quien por uno sinotras ya extende suporta para reyalisa y complete el dos proyectos.

Si Rosario ya habla cay el dos facilidad debe sirvi como inspirasion con maga soldao y emplyado del mando para esta firmi na buen condision pisical y mentalidad para alomenos puede sila compli de ila obligasiony responsibilidad.

El dos facilidad preparao ya para usa na maga actividades de deportes, pisical y de social asemblya. (Bong Garcia, Jr., photo courtesy of Western Mindanao Public Information Office)

LEAVE A REPLY

Please enter your comment!
Please enter your name here