Zamboanga: Mayores ya sale alarmao después perde asigun diila dos maga anak na primer día del clase ayer, na un eskwela de elementary na Barangay Tumaga

0
0

Ya aclara el mismo School Proncipal del Catalina Viyuda de Jalon Morial School, Teresito Apolinario que Nohay Perde el dos estudiante de grade 1 ayer na diila eskwela.

Ya man viral el letrato o FB post del un netizen ayer, donde asigun, ya perde el tal jovensita na mismo school premise del mencionao eskwela de elementaria. Unu del dos maga mayores el I siguieras ya man post na FB ayer, despues discutir que nohay diila maga anak na de estos classroom. Alegaomente, Dos bata el ya sale perdido lo cosa ya alega el dos maga mayores amediante del diila susto.

Asigun con el principal del eskwela, cuando ya anda el dos maga nana encontra con el diila maga anak, Nohay asigun el dos bata na de estos classroom rason que ya alarma o alegaomente insighidas ya man panic el dos mayores. Mas o menos veinte sinco minuto, ya encontra ya con el dos jovensita na escusao del mismo eskwela, quien aquel Maga tiempo ya anda solamente miya.

Base na checkyada del RPN DXXX, Zamboanga News Team online, ya bora ya con el FB post que ta pidi ayuda busca con el dos jovensita ayer.

Falta classrooms y teachers lo cosa ta emprenta el un skwela de elementaria na Barangay Tumaga

Falta asigun el classrooms y maga maestra na Catalina Viyuda de Jalon Memorial Shool, este lo cosa ya habla el mismo principal del tal eskwela. Ta pidi asigun le na concierne ajencia que dale canila omento classroom y maestra. Actualmente ay implementa asigun sila shifting na mga clase para na mga grades 1-3 Porcausa que falta gayod el número del maga maestra y classrooms.

Base na opisyal documento del eskwela, mas de tres mil, sais cientos ya maga estudyante el ya man enroll na diila eskwela.

Ya asegura su Apolinario que ta implementa sila estrictamente con el minumum health protocols base na mandato del IATF. Ta rindo también gracias si Teresito Apolinario, el principal del Catalina Viyuda de Jalon Memorial School, con el Maga security officers del diila eskwela, incluhido con  cuantos maga personajes del Sta. María Police Station quien ta ayuda canila mantene el seguridad del maga hente, especialmente del maga bata na eskwela. (Aprilboy Regino)

LEAVE A REPLY

Please enter your comment!
Please enter your name here