Zamboanga: Jovencito arestao por el asunto de rape

Con un jovencito quien alegaomente ya abusa con un bata mujer ya aresta maga autoridad na Barangay Zambowood, este ciudad.

Visit RPN DXXX Zamboanga

Si Police Coronel John Francis Encinareal, hefe del Criminal Investigation and Detection Group (CIDG), ya nombra con el arestao jovencito como si Reyniel Macaranas, deci-ocho años el edad y residente del Purok 7, Barangay Zambowood.

Maga operativas del CIDG ya aresta con Macaranas maga alas dies sincuenta del Huwebes aga na su residencia na Purok 7, Barangay Zambowood.

Asegun con Verceles cay si Macaranas tiene pendiente orden de aresto por el asunto de rape sin piansa.

El asunto contra con Macaranas ya planta na local tribunal el tia del bata mujer victima. (Bong Garcia, Jr.)