Ya visita el National Inter-Agency and Technical Working Group Progress Monitoring con el Tetuan Central School SPED Center para checkya con el programa del school-based feeding.
El elejido alcalde John Dalipa y el barrio capitan del Tetuan Walmart Atilano ya man hunto con el technical working group na visitada del Biyernes con el Central Kitchen que ta dale ma sustansiya comida con kinientos cuarenta’y sinco beneficiary del SPED center.
El principal del escuela elementarya de Tetuan Edsel Francisco y maga maestro y todos concierne ta trabajo mucho para sustene con el proyecto y asegura cay mga estudiante ta recive el supporta para completa de ila estudio.
Si Francisco ya rindi gracias con el technical working group y Departamento de Educacion por el suporta ta recivi sila.
Myentras tanto, el elejido alcalde Dalipe y Congresista Mannix Dalipe ya asegura cay ay continue sila suporta con mga necesidades del mga estudiante. (Jennyrose Falcasantos)