El govierno local por medio del oficina de administrador del ciudad y pulisiya ya ase un campanya este dia, miyercoles, contra maga colorum tricycle ta man viaje aqui na ciudad.
Monton de chufer de tricycle el ya invita anda na City Hall para checkya con el de ila maga papeles para asegura cay tiene sila frankisa, registrao el vehiculo y tiene el propio licensia el maga chufer.
Asegun con Major Chester Natividad, el hefe de City Traffic Enforcement Unit, cay el campanya amo para el proteccion ambos del publico y legal el frankisa del tricycle.
Si Natividad ya aclara cay el campanya hinde contra con el maga chufer de tricycle, sino para checkya el maga prankisa, y akel maga information de sobra ta cubra pasaje, y no quiere lleba pasajero.
Ya nota maga autoridad cay tiene del maga chufer ta insisti cay tiene sila prankisa pero ya deja con el maga documentos na casa.
Este asunto asegun con Natividad ta ase sila el propio investigacion. (Bong Garcia, Jr., photo courtesy of City Government of Zamboanga Facebook page)Â Â