Zamboanga: Ejercisio naval ta ase na mar de Sulu

0
0

El Fuersa Naval del Pilipinas por medio del fuersa naval na weste mindanao, ta participa na dies dias ejercisio nombrao como el Southeast Asian Cooperation and Training (SEACAT) na mar de Sulu.

Visit RPN DXXX Zamboanga

Asegun con Lieutenant Senior Grade Chester Ross Cabaltera, portavoz del fuersa naval na western Mindanao, cay con el ejercisio ta participa tambien maga fuersa naval de veinte pais del sur-este asia.

Si Cabaltera ya habla cay el ejercisio ta incluwi diferente actividades que ay ase na mar y na lindero maritima del maga participante pais.

El ejercisio ya comensa por medio de un programa que ya ase del martes a un hotel alla na Singapore que ya atende maga oficiales del fuersa naval del estados unidos y del maga participante pais del actividad.

Asegun con Rear admiral Toribio Adaci Hijo, comandante de fuersa naval na weste Mindanao, cay el ejercisio amo para mejora el cooperacion del maga participante pais na mantencion de paz na mar que tiene lindero common. (Bong Garcia, Jr., photo courtesy of Naval Forces Western Mindanao)

LEAVE A REPLY

Please enter your comment!
Please enter your name here