El oficina rehyonal del Department of Social Welfare and Development (DSWD) ya anuncia cay el maga victima del Agosto 20 estampida ya recivi ya el de ila ayuda financial de educacion.
Asegun con el portavoz del oficina rehyonal del DSWD Ivan Eric Salvador cay veinte siete del veinte nueve victima de estampida ya recivi ya de ila asistencia de educacion desde’l martes tarde.
Asegun con Salvador aquellos quien ya recivi el ayuda financial compuesto del maga siguientes: estudainte de elementarya, seis; secondarya, uno; escuela secondarya superior (senior high school), dos; y colegio, deci-ocho.
El cantidad del ayuda de educacion amo el maga siguientes: elementarya, mil peso cada uno; secondarya, dos mil pesos; escuela secondarya superior, tres mil pesos; y colegio, cuatro mil pesos cada uno.
Aegun con Salvador cay el maga personajes salud del DSWD ya examina tamen con el maga victima de estampida para asegura cay na buen salud ya sila.
El estampida ya ocuri cuando monton de hente el ya man unahan entra para anda na coliseo del ciudad cuando ya abre el guardia con el puerta mayor del escuela de “Zamboanga City High School-main” na Barangay Tetuan, este ciudad.
El DSWD ya aloca treynta milyones de pesos fondo para el programa de dalida del ayuda financial de educacion aqui na rehyon nueve. (Bong Garcia, Jr.) (Photo Courtesy of Department of Social Welfare and Development IX)